
Lyrics
Yemmekta-d wul Sliman
D Si-Muḥ-u-Mḥend yefnan
Negren ur d-ğğin ara
Kul wa anda i s-rkan yeɣsen
Sliman atan iban
Aẓekka ines di lɣerba
Si Muḥ ɣef wayen d-nnan
Wid yecfan neɣ wid yuran
Yenṭel deg Useqqif n Ṭṭmana
Yemmekta-d wul Sliman
D lbaṭel fella-s yeḍran
Yemmut meskin d amengur
D-tasa-w it t-id-ijemεen
Tqeddeḥ igezm-itt waṭṭan
Nnejmeεn daxel-is leğruḥ
D zzit yufraren ɣef waman
Lemtul-is d ayen yeṣfan
Ttejṛa i ten-id-yegren teqqur
Yecna ɣef lɣerba mm lemḥan
Ɣef tmurt-is gezren yiḍan
Yecna ɣef wemɣar d umecṭuḥ
Yerɣa uεerqub isefra
Tirgin ur d-grint ara
Ula d iɣed yeddem-it waḍu
Ass-agi ula d menwala
A k-yini wweḍɣ asigna
Netta acḍaḍ-is yettfuḥ
A Muḥ a Muḥ
Kker ma tt-dduḍ an-ṛuḥ
A Muḥ a Muḥ
Lɣerba tejreḥ ul-iw
Ccah di ṛṛay-iw
Ṛwiɣ anadi n tmura
A ṣṣalḥin n tmurt-iw
Nhut atmaten-iw
A yi-ğğen abrid tura
An-awin s yiɣsan-iw
Cukkeɣ at taddart-iw
Ur d iyi-ttagin ara
Ay afṛux εjel εelli
S idurar n At Yiraten
At Wasif d wat Ɛisi
T-tuddar Iwaḍiyen
Seg Wagni-Ggeɣran εeddi
Inas-en yiwen yiwen
F Sliman Ɛezzem steqsi
Ma d-tidet ayen i d-qqaren
Nnan-as medden yeḥḥerkel
Netta ur yexdim ara
Lemmer yelli ciṭ n leεqel
Yak yecna f lḥuriyya
Imi nukni nedderɣel
Netterra argaz d ccmata
Win i d-yusan ad aɣ-immel
Amek ara teddu tmurt-a
Semman-as medden lmenfi
Ur yenɣi ur yukir yiwen
Wis ma d lirad n Ṛebbi
Neɣ d lεebd i s-tt-icummen
Yenfa-d mebɣir lebɣi
Seg wakal i t-id-yessekren
Temẓi-s tṛuḥ d akeṛfi
Yemmut ur d-iğği imweṛṛten
D aɣrib d abeṛṛani
Di tmura n medden
Lweḥc u lemḥani
Ma d Ṛebbi i-grade
Lyrics provided by LRCLIB.
Popular by Lounès Matoub
#TitleAlbum






