SAM3AAK

وبعد أصعب مرحلة بييجي أحسن مرحلة في الخمسة وهي آخر مرحلة كل اللي ممكن نقوله يتقال كل اللي ممكن نشوفه شفاف قول لي مكان أروحه معاك قول لي ممكن نكون إيه؟ سامعاك يا، يا ترى إيه اللي ممكن يتقال؟ دنيتنا كانت خداع من خيال يا ترى إيه مشاهد هتتعاد؟ طلِتنا كانت آخر صفحة في الكتاب السلاسة في العبارة هوا على الشط اللقمة والشطارة الصياعة في الرد بجاوب ع الأيام بطاقة الإعصار بساوِم الحياة بهيئة الإصرار طلعنا سوى رحلة الباقي خبر كان إحساسي فيها اتغير ضعف عن زمان قلبي لسه دافي الجزمة فيها رملة آسف إختفائي كنت في حتة ظلمة شوف الزمن لما بييجي ع الحبايب وإنت عاجز عن تغيير مصير العالم عايش بتعلي صوتك ده بس في أمل إنك تتحل من الكوكب ده الناس دي محاصرانا إحنا بنتذل الظلم في كل حتة حتى إسكندناڤيا إسمع مني الفكرة وإفهم قبل الناهية الصين، أمريكا، روسيا، إيران، فرنسا، ألمانيا القوات العظمى سايقة عايزينا نروح في داهية طب وإحنا إيه دخلنا وإيه اللي جابنا هنا؟ بنتكلم عن دخلنا وعن الهروب من هنا ليه سايبين الحل وبنتكلم في المشكلة؟ داخلين على أيام ما يعلم بيها إلا ربنا ‫Illuminatـك متحكمين في ذاتك حاجات أكبر مني ومنك مش شايفين الصورة الكبيرة بسبب مشاكلنا التكنولوچيا أكثر حاجة فادت وأذِت جيلنا ‫أصلًا كل اللي بنشوفه في feedـنا مش بيفيدنا ‫بنقارن بعض ببعض، نشوف في الـ likes مين اللي يكسب زرع في الناس كلها جنون عظمة بلا إستثنا ياه، حطينا ثقتنا في أجهزة بتدرِسنا بقينا نخاف أراء الناس ما بنجازفش متحفظين نشجع الكسبان ولو بيغش إنت اليومين دول أهبل لو صريح وما بتكذبش إنت لو جامد فده لنفسك يا اسطى ما تثبتش حاجة ليّ أو لغيري أو لنفسك الناقص يا أخي يجي يعالج نفسه على حسابنا وأنا اللي كنت فاكر نفسي طبيب نفسي بحاول أداوي جروح الناس كإن معايا علاجها طب ما أنا فيّ اللي مكفيني بساعد اللي ذاق المر إزاي وأنا لسه أصلًا ما حاسِبتش مشاريبي لو شفت البريء في ضيقة أكيد همِد إيدي وعارف إن ده بيأذيني بس ده جزء من شخصيتي فحلمت بيوم جديد نجومه في النهار الظلم فيه مش طايل خالي من الأشرار خالي من الخداع غني بالأفكار أنا مالي باللي فات؟ إحنا في آخر النهار الشمس بتجري مني الظلمة بتنتظرني العمر بيختبرني بربِش لو فاهمني صاحي ولا عايش؟ هل جات لَك رسايل؟ طلعت من العاصفة بس مش بدون خساير كل اللي ممكن نقوله يتقال كل اللي ممكن نشوفه شفاف قول لي مكان أروحه معاك قول لي ممكن نكون إيه؟ سامعاك يا، يا ترى إيه اللي ممكن يتقال؟ دنيتنا كانت خداع من خيال يا ترى إيه مشاهد هتتعاد؟ طلِتنا كانت آخر صفحة في الكتاب حاول تفتكر