Si tu

Surrisu limpidi chì spanna U so visu cum'un sole Affascinenti iss'ochji Chì mandanu calisginelle Labre ch'un pittore ha fattu Venutu da l'alte stelle Maraviglia, bellezza Eu ùn vi ne contu fole E'issi basgi di tenerezza Tamanta vere piume Ach'accarezzanu a mio pelle Spintu u lume Petti scultura viva Ch'imbalsamanu di prufume Core chì s'infuria Si scatena cum'un fiume Corpu, lettu di vita Calore ch'infiara i mio senzi Dite senza disciplina Chi frisgianu tuttu in tè Palesanu issi suspiri E tutti trimuleghja in me Sessu, rigalu per gode Notte infinite d'amore Ch'aspetta a mio sumenta Cume l'apa u fiore Stonde a perdene fiatu Sin'a lu primu luciore Dolci e squisiti mumenti Ch'ùn vogliu vede scorre